English | Te Reo Māori
MENU
Putahi Manawa - home
Putahi Manawa - home
Te whakauru mo te pūtea moni

Ka whakahaerehia a Pūtahi Manawa i ētahi hurihanga pūtea moni i ia tau. Mo ia hurihanga, ka hoatu mātou i te tono ā kaupapa (RfP) me ngā taipitopito o te pūtea moni e wātea ana me te paearu māraurau.

Ka wātea he pukapuka tono me te tahua tātauira. Ko ngā pukapuka tono ka tukuna atu, ko ēra tono kua ū ki ngā herenga pēra i ngā aukatinga kupu me ngā aukatinga whārangi. Ka whaiwhakaaro ki ngā pukapuka tono kua tukuna atu i mua i te rā monehu. Kua whaiwhakaaro ki ngā torohanga atu i te rā monehu mēna he āhuatanga inati kua whakaaetia i mua i te rā monehu mā te tuku i te īmēra ki hhanzcoregrants@auckland.ac.nz.

Ka tukuna ngā pukapuka tono mā te īmēra atu ki hhanzcoregrants@auckland.ac.nz me te puka kua oti, te tahua, me ēra atu tuhinga pēra i te tātai pūmanawa, hāunga rā te hiahia o tō whare wānanga ki te mahi tahi me tō tari rangahau ki te tuku atu i runga i tō whakaaetanga.

Tirohia te whārangi āheinga pūtea moni mo ngā hurihanga pūtea moni o nāianei me ngā hurihanga pūtea moni e haere mai ana. Tuku īmēra ki hhanzcoregrants@auckland.ac.nz me ō taipitopito, ā, ka tapiri atu i a koe ki te rarangi īmēra, kia pai ai te whakamōhio atu.

E whai ake nei ko ngā tono ā kaupapa:

  • Ko te tuarongo
  • He whakarāpopotanga pūtea
  • He whakarāpopotanga wā me te pūtea moni
  • Te paearu māraurau
  • Ngā rā matua
  • Te tahua
  • Te paearu pūtea moni
  • Te tatau me ngā  weightings
  • Ētahi atu heipūtanga
  • Me pēhea te whakauru
Te paewhiri pūtea moni

Ko tā mātou paewhiri pūtea moni, tētahi rōpū kaiwhakarite o ngā kairangahau a CoRE kua whakakotahi mai kia āwhinatia i te whakamātau o ngā puka pūtea moni mo ngā hurihanga pūtea moni. 

Tokorua ngā heamana e tū ana ki te paewhiri e rato ai mo te tekau mā waru ki te toru tekau marama. Ko ngā heamana o nāianei ko Tākuta Anna Pilbrow o Te Whare Wānanga Manawa o Ōtautahi ki Te Whare Wānanga o Ōtākou me ko Tākuta Corina Grey, o te tīma o Te Moana-Nui-Ā-Kiwa, te tōpū whakawhitinga, me Te Manatū Hauora.

I te wā ka kōwhirihia i te paewhiri pūtea moni, ka whaiwhakaaro ki ēnei momo āhuatanga:

  • Te whakaahuahanga Māori me te whakaahuahanga o ngā iwi o  Te Moana-Nui-Ā-Kiwa
  • Tae rā anō ki te mana o te rangahau
  • Te whakataurite i te tuakiritanga ā-ia
  • Te tuari ipukarea
  • Kei reira ngā kaitiriwā mēna kua kore tētahi atu e wātea ana, he pānga rongorua me te maha o ngā puka.
Te tukanga arotake o te paewhiri pūtea moni
1. Tukuna atu ngā pukapuka tono ki te kaiwhakahaere
2. Ka kōwhirihia te arahanga matapaki nā runga i te pūkenga e tika ana me te korenga o ngā rongorua e ngā heamana o te paewhiri pūtea moni.
3. Mā te/ngā arahanga matapaki e whakaatu atu i te tono ki te paewhiri matapaki.
4. I te mutunga iho, ka tatauria i ia pukapuka tono. Ko ngā pukapuka tono katoa, ka whakakitea ngā tūnga o ērā tāngata kua eke ki te ripa tauārai o te pūtea moni.
5. Ka whakatauhia he whakataunga whakamutunga mo te whakaraupapatanga tūnga me ērā tāngata ki runga ake, ki raro iho rānei o te ripa tauārai mo te whakaritenga whakamutunga. Tērā pea, rātou mā ki runga ake i te ripa tauārai, ka tukuna atu he pūtea. Mēnā he tepenga ki te tahua pūtea, ka tukuna atu he pūtea ki ngā pukapuka tono kua whai tūnga ki runga ake. Mo ētahi hurihanga pūtea pēra i ngā whakawhiwhinga tūranga, ko ngā kaitono ka tūtaki ki te ripa tauārai pūtea, ka uiui i mua i te whakataunga whakamutunga.
6. Ka tukuna atu he pūrongo o te pūtea moni ki ngā tīma hautū Māori me te tīma hautū o ngā iwi o Te Moana-Nui-Ā-Kiwa, kātahi ka tukuna atu ki te poari Kāwanatanga mo te hainatanga whakamutunga.
Te whakauru mo te pūtea moni
Pānga Rongorua

Ka whai atu a Pūtahi Manawa i ngā aratohu a HRC ki te whakahaere i ngā pānga rongorua ki ngā paewhiri pūtea moni - tirohia te Panel COI procedures for reviewers  mo ngā taipitopito.