Te hanga huarahi tika mo nga rangatahi Maori me nga rangatahi o Te Moananui-a-Kiwa ki te eke angitu i roto i nga kaupapa putaiao
Te mahi tahi me ngā rangatahi
Ka mahi tahi te tīma OnE me ngā hoa kaipakihi puta noa i te motu ki te whakataki i ngā whakaakoranga o te hauora manawa ki ngā rangatahi.
Ka wānangatia te tīma OnE me ngā hoa pakihi puta noa i te motu, ki te whakataki i ngā hōtaka mātauranga o te hauora manawa ki ngā rangatahi. Ko ngā hoa pakihi matua, tae rā anō ki Pūhoro STEMM me te Amanaki STEM Academy (ASA). E ngākaunui tō te tīma OnE ki te kuranga i ēnei rangatahi me ā rātou whānau mo te aroā hauora manawa ki te whakaaweawe me te tautoko i ngā rangatahi kia whai umanga e hāngai ana ki te manawa. Waihangatia ngā āheinga mana taurite mo ngā rangatahi Māori, me ngā rangatahi o ngā iwi o Te Moana-Nui-Ā-Kiwa kia angitū ai i ngā marau pūtaiao mā ēnei wānanga, ka okea kia riariaki ngā hāpori, whāngaihia te taiohitanga o te hirikapo e awhiawhitia ko ā rātou tuakiritanga ahurea me tā rātou ngākaunui ki te whakatewhatewha pūtaiao.
Mai i te whakaterenga i te tau rua mano tekau mā ono, ka whakawhanake a Pūhoro i te kekeritanga o te rangatahi o roto i te kaupapa STEMM. Ka āwhinatia a Pūhoro i ngā rangatahi kia kite atu te tūhononga i waenga i te mātauranga Māori i roto i te kaupapa STEMM; ka whakawhanake i ā rātou whakatutukitanga mātauranga i roto i te kaupapa STEMM; ā, mā ngā rangapū rautaki, ka whakarawea he huarahi ki umanga o te mātāpono.
Ia te wā ka tautokihia te tīma OnE Pūtahi Manawa i te kaupapa Pūhoro STEMM ki te wānanga, ngā tūnga akoranga ki Waikato, ki Tāmaki, ki Ōtautahi, ki Te Matau-a-Māui me Manawatū, e mahi tahi ana me ngā ākonga tau tekau mā tahi ki ngā ākonga tau tekau mā toru. He tūāpapa whakawhanake matua mo ngā rangatahi katoa, i a rātou e timata ana ki te waihanga i tā rātou ake tuakiritanga me ā rātou ake wawata.
“I ako mātou e pā ana ki te manawa. Ki au nei, i mīharo rawa tēnei tūnga nā te mea kāore au i te paku mōhio i ngā kōrero e hāngai ana ki te manawa. Hāunga rā, ko te manawa tētahi o ngā whēkau matua ki ro te tinana. Hātakēhi rawa te kaikauhau, ā, ngahau ana ngā māhi i tēnei tūnga. Koirā te āhua o ngā kaiako katoa o Pūtahi Manawa. Ātaahua rātou katoa, he waha pū, he tangata mōhio hoki. He ākonga Pūhoro STEMM
Ohaoha ana tēnei tokapū Amanaki STEM Academy kua ahu mai i Te Papaioea. Ko Tanya Koro me Viliama Teumohenga ngā tumuaki, ka whakaritea, ka whakamana hoki i ngā ākonga o ngā iwi o Te Moana-Nui-Ā-Kiwa kia uru atu ki STEM. He ohu mātua, ka whakarawea e Amanaki i ngā akoranga i muri iho i te kura me ngā hōtaka hararei ā kura, whāngaia te tauira “he mahi kainga i te tēpu kīhini”. Ko te pūtahi o Amanaki, ko te whakawhāiti mai o ngā whānau. Kua whakatō i ngā mātāpono ahurea o ngā iwi o Te Moana-Nui-Ā-Kiwa, e pāhekoheko ana ki te tuari i ngā kaupapa.
Mēna e hiahia ana koe, tō whānau rānei te tae ā-tinana atu ki te kaupapa Pūtahi Manawa, tirohia ā mātou kaupapa e haere mai ana.
Tērā pea, mōhou te umanga rangahau.
“Rawe katoa ki ahau nā te mea he maha ngā akoranga, koirā tāku i rawe ai. He maha ngā mea hou i ākona, e hirahira ana ki ahau me ēra atu o ngā tāngata/manawa”. He ākonga Amanaki STEMM
Kua kore mātou e āhei ana te whakahaere i ēnei kaupapa akoranga ina karekau ana he tīma manawa nui me te rikarika hoki o ngā ākonga, ngā kaimahi me ngā mātanga tākuta kua tūao i tā rātou taima, i tā rātou mātauranga ki te whakataki i ngā hōtaka mātauranga hauora manawa.
“I te mutunga o te rā, ko mātou ngā kairangahau, ka waihangatia ngā raraunga, kua kore e kitea e tētahi atu mo te pāinga o te pāpori….he āheinga rirerire ki te mahi i ngā mahi a Outreach, he hokinga mahara māku ki aku wawata kia āwhinatia ēra atu tāngata, ā, ka whakapāpakutia ki ngā āwangawanga me ngā pātai nā mātou i Aotearoa nei”. (He ohu nā te tīma OnE Pūtahi Manawa).